Akin lang napapansin

Karamihan sa mga Pilipino'y makakalimutin

Nakakalimot kung paano pinaglaban ng mga ninuno't bayani

Ang ating bayang matagal ding inangkin

Dugo, pawis at buhay ang inaalay

Makamit lang ang kalayaang atin nang ngayong taglay

Kaya't huwag kalimutang magnilaynilay

Bayang Pilipinas mahalin ng tunay

Huwag lang puro salita at pagpapakita

Oo, ipinagdiwang ang "Buwan Ng Wika"

Pinamukha namang mas hiyang sa wikang banyaga

Habang patawang binigkas ang sariling wika

Kung patuloy natin itong gawin

Sariling wika'y hindi respituhin

Sa pagtakbo ng panahon

Wikang Filipino'y mawawala na rin